Pavlodarlyq oqýshylar medal sany boıynsha Almatymen teń tústi

 Bul týraly «Ertis daryny» óńirlik qosymsha bilim berý oqý-ádistemelik ortalyǵynyń dırektory Ǵajdembek Tursynov málim etti, dep habarlaıdy pavlodarnews.kz .

«Almaty oblysynyń Qaskeleń qalasynda ótken pedagogtardyń respýblıkalyq tamyz konferentsııasynda bizdiń ortalyq kezekti ret elimiz boıynsha úzdik atandy. Sonymen qatar naýryz aıynda Pavlodarda jaratylystaný-matematıka, Aqtaýda qoǵamdyq-gýmanıtarlyq baǵytta ótken pán olımpıadasynda pavlodarlyqtar elimizde 55 medaldi qanjyǵasyna salyp, Almaty oblysymen birdeı ekinshi oryndy ıelendi. Birinshi orynda 57 medalmen Astana tur. Jylda oblystar arasynda birinshi oryn alatyn edik», - deıdi Ǵajdembek Tursynov.

Ótken oqý jylyndaǵy Ertis óńiriniń qorjynyndaǵy medal sany 219-dy quraıdy. Halyqaralyq olımpıadalardaǵy 48 medaldiń 13-i altyn, 14-i kúmis jáne 21-i qola. Respýblıkalyq deńgeıdegi medal sany - 171. Onyń 27-si altyn bolsa, 57-si kúmis jáne 87-si qola. Táýelsizdik jyldary Búkilálemdik aýqymdy olımpıadalarda Ertis óńiriniń shákirtteri 22 medalge qol jetkizgen. Onyń segizi - altyn, altaýy - kúmis, segizi - qola. Mysaly, bıyl matematıkadan Brazılııada, byltyr Gonkongte ótken olımpıadada «Jas daryn» mektebiniń oqýshysy Mohammed-Álı Ámir altyn medal ákelgen. «Bilim» ınnovatsııalyq lıtseıiniń oqýshysy Temirlan Rahımov «Týımaada - 2016» halyqaralyq olımpıadasynda  top jardy. Budan basqa, «Qazaqstannyń jańa 100 esimi» kórme materıaldaryn úzdik uıymdastyrǵany úshin «Ertis daryny» ortalyǵy birinshi dárejeli dıplommen marapattalǵan.