Pavlodarlyq oqýshylar Máskeýde ótken mýzyka festıvalinde jeńimpaz atandy
PAVLODAR. QazAqparat - Pavlodarlyq oqýshylar Máskeýdegi mýzyka festıvalinde jeńimpaz atandy. Baıqaýǵa 6-18 jas aralyǵyndaǵy bes júzden astam bala qatysty, dep habarlaıdy pavlodarnews.kz.
Pavlodar qalasyndaǵy balalar mýzyka mektebiniń oqýshylary «Zvezdy stolıtsy» balalar jáne jasóspirimder shyǵarmashylyǵynyń 16-shy halyqaralyq festıval-baıqaýynda sátti óner kórsetti jáne eń joǵary marapattardy ıelendi, dep habarlady Pavlodar qalalyq bilim berý bólimi.
«Festıval-baıqaý «ıA mogý!» mádenı-bilim berý jobasy aıasynda ótti. Baıqaý vokal, aspapta oryndaý, horeografııa, teatr, tsırk, kórkem óner men dekoratıvti-qoldanbaly óner boıynsha talantty balalar men jasóspirimderdi anyqtaý jáne marapattaýǵa baǵyttalǵan. Qazylar alqasynyń quramynda Reseıdiń tájirıbeli pedagogtary, joǵary oqý oryndarynyń jetekshi ǵalymdary, shyǵarmashylyq ujymdar men stýdııa basshylary, eńbek sińirgen jáne halyq ártisteri, ataqty akterler, rejısserler, ánshiler, kompozıtorlar, mádenıet pen ónerde eńbek sińirgen qyzmetkerler jumys istedi»,-delingen habarlamada.
Sondaı-aq qalalyq bilim bóliminiń habarlaýynsha, baıqaýdyń bas júldesin E.Úsenovtiń «Kerbez sulý», Qurmanǵazynyń «Jıma» shyǵarmalaryn oryndaǵany úshin «Serpin» folklorlyq ansambli ıelendi. 1 oryndy «Toı bastar» jáne «Toqtaǵan» týyndylaryn oryndaǵan «Qos ishek» dombyra ansambli aldy.
«Ansambldegi oryndaýlardan basqa jeke daýysta óner kórsetken qatysýshylar joǵary marapattarǵa ıe boldy. Oqýshylar Reseı jurtshylyǵyn qazaq mýzykasynyń uly murasymen tanystyryp, aspapta oınaýdyń sheberligin kórsetti, - dedi bilim berý bóliminde.
