Pavlodarlyq oqýshylar qazaq tilin latyn qarpimen oqı bastady
PAVLODAR. QazAqparat - Pavlodardaǵy 6 mekteptiń 5-synyp oqýshylary qazaq tilin latyn grafıkasynda oqýdy bastady, dep habarlaıdy QazAqparat pavlodarnews.kz saıtyn silteme jasap.
Bilim bóliminiń bas mamany Nurgúl Azanbaevanyń aıtýynsha, bul fakýltatıvtik kýrs alǵash ret qazaq tilinde bilim beretin №1, №2, №7, №12, №19, №22, №25, №35, №37 mektepterinde engizilgen.
«Synamaly joba bilim alýshylarǵa aldyn ala latyn grafıkasymen tanysýǵa múmkindik jasap, jańa alfavıttiń enýine ońaı beıimdelýge múmkindik beredi», - dedi Nurgúl Azanbaeva.
Baǵdarlamany «Ana tili» ortalyǵynyń dırektory Sholpan Kenjıkova jasap shyǵarǵan. Ol fakýltatıvti júrgizetin ustazdar úshin arnaıy semınar ótkizdi.
«Atalǵan mektepter latyn tilinde jazylǵan oqý-ádistemelik quraldarmen jumys jasaýǵa daıyn. Fakýltatıv ár mektepten 20 balany oqytýǵa arnalǵan. Oqý jyly boıy besinshi synyp oqýshylary úshin apatasyna bir ret qosymsha sabaqtar ótetin bolady. Balalar latynsha oqyp-jazýdy, sózderdi tanýdy úırenedi», - dedi bas maman.
Aıta ketý kerek, synaq joba 2020 jyly qazaq tilinen latyn qarpine kóshýge daıyndyq maqsatynda iske qosyldy.
