Pavlodarlyq oqýshylar Qatardaǵy olımpıadadan júldemen oraldy
PAVLODAR. QazAqparat - Dohada ótken Jas órenderdiń halyqaralyq jaratylystaný-ǵylymı olımpıadasynan pavlodarlyq oqýshylar «Kúmis» medal aldy, dep habarlaıdy QazAqparat tilshisi.
«Doha (Qatar) qalasynda Oqýshylar arasyndaǵy Halyqaralyq jaratylystaný-ǵylymı olımpıadasy aıaqtaldy. Jas órenderdiń ıntellektýaldyq týrnırine Qazaqstannyń atynan Pavlodar qalasynyń daryndy balalarǵa arnalǵan №8 mektep-lıtseıiniń 9-synyp oqýshylary Dinmuhammed Raqymjanov pen Vladırmır Lım qatysty. Olımpıada qorytyndysy boıynsha Dinmuhammed pen Vladımır kúmis medaldarmen marapattaldy», - dep habarlady QazAqparat tilshisine Pavlodar oblysynyń Bilim berý basqarmasynyń baspasóz hatshysy Baǵdáýlet Nurmat.
Ol bul jarystyń balalar qatysqan ekinshi halyqaralyq olımpıada ekenin atap ótti.
«Ótken jyly olar Botsvanada (Ońtústik Amerıka) qola medal ıelengen bolatyn», - dedi B. Nurmat.
Avtory Anton Gagarın
