Pavlodarlyq oqýshylar halyqaralyq óner baıqaýynda júldeger atandy
ASTANA. QazAqparat - Pavlodar qalasy № 1 Balalar kórkemsýret mektebi - ıÝNESKO klýbynyń oqýshylary Chehııada ótken halyqaralyq grafıkalyq óner baıqaýynda 2-oryn ıelenip, júldeger atandy, dep habarlaıdy pavlodarnews.kz.
paBul týraly agenttikke atalmysh bilim berý ordasynyń oqytýshysy jáne júldegerlerdi daıyndaǵan Inna Maslennıkova aıtty.
«Gavırjov qalasynda ótken 27 halyqaralyq grafıkalyq óner baıqaýynda alǵash ret Pavlodar qalasy №1 Balalar kórkemsýret mektebiniń 29 oqýshysy qatysty, - deıdi ol.
Qazylar alqasynyń nazaryna búkil álemnen «Transport» taqyrybyndaǵy 1496 jumys jiberilgen. Qazaqstannan qatysqan 52 oqýshynyń ishinen bizdiń eki shákirtimiz júldegerler atandy. Jeti jasar Vera Golovchýktyń «Ákemmen dúkenge» jáne alty jasar Zarına Ibragımovanyń «Qydyrtamyn!» jumystary joǵary baǵaǵa ıe boldy. Bul týyndylar flomastermen jáne pastelmen oryndalǵan. Jetekshisi - Gúlnar Muhametqalına.
Budan basqa, sońǵy kórmege qoıylǵan úzdik jumystardyń avtorlaryna dıplom berildi. Olar - Rasýljan Ýalıhan, Arına Rasýljan, Dasha Dýbkova, Alııar Sadýev, Ermurat Nesiphan, Adelına Sansyzbaeva, Dıana Gagarına, Іńkar Abzal, Vıoletta Komarova, Irına Kıseleva, Leıla Kýsaeva, Tatıana Býhtarova, Ksenııa Hortseva, Alena Konoshonok.
