Pavlodarlyq oqýshylar halyqaralyq olımpıadalarda 57 medal jeńip alǵan
«Bıyl osymen on ekinshi ret ótip jatqan halyqaralyq olımpıadalar men baıqaýlarǵa 111 oqýshy qatysyp, onyń 57-si júldeli oryndar aldy, - dep habarlady jýrnalısterge Pavlodar oblysy bilim basqarmasynyń baspasóz hatshysy Baqdáýlet Nurmat. – Bıylǵy jyldyń basty oqıǵasy daryndy balalarǵa arnalǵan №8 mektep-lıtseıdiń on birinshi synyp oqýshysy Vladıslav Cherdantsevtyń hımııa páninen Reseıde ótken Halyqaralyq Mendeleev olımpıadasynda jáne Frantsııada bolǵan hımııadan halyqaralyq olımpıadada (IChO) kúmis medalǵa ıe bolýy. Vladıslav álemniń eń bedeldi tehnıkalyq oqý ordalarynyń biri - Massachýsets tehnologııalyq ýnıversıtetiniń (AQSh) oqý grantyna ıe boldy».
Daryndy balalarǵa arnalǵan «Bilim-ınnovatsııa» lıtseı-ınternatynyń oqýshylary Rústem Hasanov, Álıhan Abıhas Almatyda ótken ınformatıka páninen Eýrazııa olımpıadasynda altyn medalge qol jetkizip, onyń qorytyndysy boıynsha QBTÝ (Almaty) men IT Astana ýnıversıtettteriniń grantyn jeńip alǵan.
«Aıta keteıik, atalǵan mekteptiń toǵyzynshy synyp oqýshylary Dinmuhammed Rahymjanov pen Vladımır Lım matematıkadan Katarda ótken halyqaralyq jaratylystaný-ǵylymı jasóspirimder olımpıadasynda kúmis alsa, 10-synyp oqýshysy Ýkolov Ivan Azııa-Tynyq muhıty matematıkalyq olımpıadasynda qolaǵa qol jetkizgen. Jáýtikov olımpıadasynda Islam Ǵallam ınformatıka páninen, Sherhan Turǵyn matematıkadan - kúmis, fızıkadan ıAroslav Basov - kúmis, Anton Draganchýk - qola, Ádilet Zeıneken - ınformatıkadan qola aldy», - dep atap ótti oblystyq bilim basqarmasynan.
