Pavlodarlyq oqýshy Portýgalııa elinen qola medal ákeldi
PAVLODAR. QazAqparat - Pavlodar qalasynyń hımııa-bıologııa baǵytyndaǵy Nazarbaev zııatkerlik mektebiniń 11-synyp oqýshysy Dııar Tólenov taǵy bir márte el mereıin asyryp, Portýgalııadan qola medal jeńip aldy, dep habarlaıdy pavlodarnews.kz.
Bul týraly agenttikke bilim ordasynyń baspasóz hatshysy Rymgúl Bojaqanova aıtty.
«Lıssabon qalasynda fızıka páninen ótken 49-shy Halyqaralyq olımpıadaǵa 90 elden qatysýshylar keldi. Bes oqýshydan turatyn Qazaqstannyń qurama komandasynda bizdiń Dııar atalmysh olımpıadada alǵash ret baǵyn synady. Olar fızıka páninen bes saǵattyń ishinde teorııa boıynsha úsh jáne tájirıbelik bir tapsyrma oryndady.
Túrli olımpıadalarda top jaryp júrgen elimizdiń maıtalman oqýshylary Portýgalııa elinde jeti kún ótkizdi. Árbir qatysýshynyń bilimi jeke baǵalanyp, tórt medal men bir Qurmet gramotasy tabys etildi. Dııar Tólenov matematıka páninen ótetin olımpıadada 5-6 synyptardan bastap qatysady. 7-synypta Nazarbaev zııatkerlik mektebine aýysqannan keıin jetekshisi Nazymgúl Kárimova onyń boıynda fızıka pánine degen qulshynysty kórip, fızıkamen shuǵyldana bastaǵan. Nátıjesinde 7-10 synyptarda fızıka páninen birneshe olımpıadanyń júldegeri atandy.
Alǵash ret 2016 jyly respýblıkalyq olımpıadada birinshi oryn ıelengen. Budan keıin dál sol jyly Indonezııanyń Balı aralynda 16 jasqa deıingi oqýshylardyń arasynda ótken Halyqaralyq olımpıadada úshinshi oryn alǵan. Bolashaqta fızıkamen baılanysty ǵalym bolýdy armandaıdy, - deıdi baspasóz hatshysy.
2017 jyly Halyqaralyq Jáýtikov olımpıadasynda jeńimpaz atanǵan jetkinshek búginde QBTÝ men Ál-Farabı atyndaǵy Qazaq ulttyq ýnıversıtetiniń grant ıesi, ıaǵnı atalmysh eki joǵary oqý ornynyń stýdenti bolýǵa laıyqty degen eki sertıfıkaty bar.
Eske sala keteıik, jýyrda ǵana Dııar Tólenov ıAkýtııada ótken «Týımaada» olımpıadasynan qola medalmen oralǵan bolatyn.
