Pavlodarlyq oqýshy parataekvondodan Eýropa chempıony atandy
Pavlodar qalasynyń № 11 orta mektebiniń 9-shy synyp oqýshysy Karen Ovsepıan parataekvondodan Polshada ótken V Eýropa chempıonatynda altyn medaldy jeńip aldy, dep habarlaıdy sports.kz">sports.kz .
Karen - qalalyq dene shynyqtyrý jáne sport bólimine qarasty balalar men jasóspirimder sport mektebiniń oıyn jáne múgedek jandar sporty boıynsha tárbıelenýshisi.
Parataekvondodan Qazaqstan quramasynyń bas bapkeri Talǵat Nurbaevtyń aıtýynsha, Karen Ovsepıan úshin bul joǵary deńgeıdegi alǵashy jarys.
«Men ózimniń jeńetinimdi sezdim. Al, meniń qarsylasym Andreı Tıtov álem chempıony upaı sany boıynsha meni qýyp jetip qalǵan bolatyn. Qalaı bolǵan kúnde de men óz kúshime senimdi edim. Óıtkeni úıde maǵan ata-analarym úmit artyp otyrdy. Dostarym men týystarym da jeńisimdi kútti. Men úshin álemniń 32 elinen kelgen jarysqa qatysýshylardy kórý de óte qyzyqty edi»,-deıdi altyn medal ıegeri Karen.
Aıta keteıik, talantty jas fortepıano klasy boıynsha mýzyka mektebin bitirgen. Sonymen qatar qazaq jáne aǵylshyn tilderin de meńgerip júr. Chempıon avtomobılderdi erekshe jaqsy kóredi. Ásirese, japonııalyq kólikterge qatty qyzyǵady. Al, sportta ol áli de úlken jarystarǵa qatysyp, búgingiden de úlken bıikterdi baǵyndyrǵysy keledi.
Qazaqstan atynan osy jolǵy chempıonatta 5 sportshy óner kórsetti.
