Pavlodarlyq oqýshy Nıý-Iorkte el namysyn qorǵaıdy
ASTANA. QazAqparat - Nazarbaev Zııatkerlik mektebiniń 9-synyp oqýshysy Jámılıa Kenjetaı sheshendik ónerdiń EF Challenge halyqaralyq konkýrsynda top jardy, dep habarlaıdy pavlodarnews.kz.
Bul týraly agenttikke atalmysh bilim berý ordasynyń baspasóz hatshysy Aıjan Tekenova málim etken.
«Jámılıa «Álem azamaty bolýdyń máni qandaı?» atty taqyrypta rolık daıyndaǵan bolatyn», - deıdi Aıjan Tekenova. - Nátıjesinde 4600 qatysýshynyń ishinen 25 eldiń oqýshylarynyń jumystary ǵana iriktelip alyndy. Onyń ishinde bizdiń Jámılıa fınalǵa joldama aldy.
Jobanyń basty maqsaty - kishkentaı ǵana ister arqyly adamzatqa óz paıdasyn tıgizýge bolatynyn kórsetý.
Bes jyldan beri ótkizilip kele jatqan atalmysh bilim dodasyna Qazaqstan alǵashqy ret jeńiske jetip otyr. Qazirgi tańda Jámılıa Kenjetaı tamyz aıynda Nıý-Iork qalasynda ótetin «Jastar kóshbasshylarynyń forýmyna» qatysýǵa daıyndalýda.
