Pavlodarlyq oqýshy Latvııada jeńiske jetti
ASTANA. QazAqparat - Latvııanyń ıÝrmala qalasynda dzıýdodan VII halyqaralyq «YOUNG STARS JURMALA 2018» týrnıri ótti, dep habarlaıdy pavlodarnews.kz.
Bul týraly qalalyq bilim bólimi habarlady. Baltyq ózeniniń jaǵalaýynda Reseı, Belorýs, Horvatııa, Estonııa, Latvııa jáne Qazaqstan elderi atynan myńdaǵan jas sportshylar jınaldy. № 37 jalpy bilim berý mektebiniń 2 synyp oqýshysy Sadyq Ámirge Qazaqstan elin tanytý mártebesi tıdi.
Saıys qorytyndysy boıynsha Ámir 46 kg salmaq dárejesinde І oryndy ıelendi. Jas chempıondy saıysqa «TIME» balalar men jasóspirimder bos ýaqytyn qamtý ortalyǵynyń jattyqtyrýshysy Armııa Murager daıyndaǵan bolatyn.
Ámir atalǵan sport túrimen 2017 jyldan beri shuǵyldanady. Synyptyń eń úzdik oqýshylarynyń biri bolyp tabylady, sporttan basqa ol kitap oqý jáne sýret salýmen aınalysady.
