Pavlodarlyq oqýshy Halyqaralyq olımpıadada úshinshi oryn ıelendi
ASTANA. QazAqparat - Matematıka, fızıka, hımııa jáne ınformatıka pánderinen oqýshylardyń «Týımaada» XXIV-shi Halyqaralyq olımpıadasy 2017 jylǵy 15-22 shilde aralyǵynda Saha Respýblıkasynyń (ıAkýtııa) Kishi ǵylym akademııasynda ótti.
Bul týraly «Ertis daryny» óńirlik qosymsha bilim berý oqý-ádistemelik ortalyǵy málim etti, dep habarlaıdy pavlodarnews.kz .
Olımpıadanyń maqsaty - negizgi ǵylymdar salasyndaǵy halyqaralyq yntymaqtastyq pen baılanys nysandaryn keńeıtý, oqýshylar men jastardyń zııatkerlik áleýetin damytý, yntalandyrý. Olımpıadaǵa 14 komanda quramynda Rýmynııa, Cıngapýr, Indonezııa, Qazaqstan, Tatarstan, Máskeý, Kalınıngrad oblystarynan, Novosibir qalasynan 145 oqýshy qatysty.
Jyl saıyn qazaqstandyq oqýshylar osy olımpıadadan júldeli tabystarmen oralady. Bıyl bizdiń respýblıkadan 44 oqýshy qatysty, onyń ishinde 7 - Qazaqstan qurama komandasynyń múshesi. Olımpıada qorytyndysy boıynsha Pavlodar qalasynyń daryndy balalarǵa arnalǵan №8 lıtseı-mektebiniń 10 synyp oqýshysy ıAroslav Basov qola medalǵa qol jetkizip, ІІІ dárejeli dıplomǵa ıe boldy.
