Pavlodarlyq oqýshy halyqaralyq olımpıadada kúmis medal aldy
ASTANA. QazAqparat - Astana qalasynda hımııa páninen ótken 51-halyqaralyq Mendeleev olımpıadasynda «Bilim - ınnovatsııa» lıtseıiniń 10 synyp oqýshysy Temirlan Rahymov kúmis medalge ıe boldy, dep habarlaıdy pavlodarnews.kz.
«Ertis daryny» óńirlik qosymsha bilim berý oqý-ádistemelik ortalyǵynyń málimetinshe, atalmysh bilim dodasyna álemniń 22 elinen 120 oqýshy qatysqan. Jarys úsh kezeń boıynsha ótkizildi: eki teorııalyq, bir eksperımentaldyq. Olımpıadanyń qorytyndysy boıynsha bir altyndy Taldyqorǵan qalasynyń oqýshylary alsa, úsh kúmisti Almaty, Taraz, Pavlodar qalalarynyń oqýshylary enshilegen.
Sondaı-aq jeti qola medal Astana, Almaty, Taraz qalalary men Almaty oblysyna buıyrǵan. Úsh kezeńniń qorytyndysy boıynsha Temirlan Rahymov úzdik nátıje kórsetti. Ol hımııa páninen respýblıqalyq jáne halyqaralyq olımpıadalardyń jeńimpazy men júldegeri, respýblıkalyq pánder olıpıadasynyń altyn medal ıegeri. Ótken jyly II Halyqaralyq Á. Bekturov atyndaǵy hımııa olımpıadasynyń kúmis medal ıegeri.
