Pavlodarlyq oqýshy Baıanaýyl ulttyq parkiniń 3D atlasyn qurastyrdy
Pavlodar qalasynyń «Daryndy balalarǵa arnalǵan № 8 lıtseı-mektebiniń» 11-synyp oqýshylary Bogdan Tsıbrıı men Rýslan Bojekanov Baıanaýyl ulttyq parkiniń memleket qorǵaýyna alynǵan ósimdikter men janýarlar álemin vırtýaldi kórsete bildi.
3D atlasta óńir endemıkteri usynyldy. ıAǵnı baıanaýyldyq qaraǵaı, qaraǵash, kóptisti jerteser men arqar bar. Onyń kómegimen barlyǵyna qyzyqty ári qoljetimdi formada tabıǵattyń qorǵaýǵa alynǵan elementteri týraly jergilikti turǵyndar bilimderin keńeıte alady. 3D atlas arqyly ólketaný, bıologııa jáne geografııa sabaqtarynyń , ári oblys turǵyndary arasynda qorǵaýǵa alynǵan janýarlar men ósimdikter týraly bilimderin keńeıtý múmkindigin beredi.
«Biz óńirimizdiń turǵyndarynyń basym bóligi tabıǵattyń qorǵaýǵa alynǵan obektileri týraly bilgenin qalaımyz. Mundaǵy basty maqsatymyz - olar qandaı janýarlar men ósimdikterdiń qorǵaýǵa alynǵanyn bilip, olarǵa zııan keltirmesin degen nıet» , - deıdi túlekter.
Zamanaýı tehnologııa parktiń ósimdikter men janýarlar álemin tsıfrlyq formatta kórý múmkindigin týǵyzady. Balalardyń oılap tapqan 3D formattaǵy Baıanaýyl ulttyq parki – bul ǵylymı zertteý jasaýǵa keremet múmkindik beredi. Sonyń arqasynda bul týraly shet elder de bile alady.
Balalar parkti vırtýaldi álemge ózgerissiz engizgeni. Bul biregeı jobany ekinshi jyl qatarynan 3D formatta kórsetip júr.
Rýslan men Bogdan bul máselemen «ENACTUS» bıznes usynystar konkýrsyna Baıanaýyl ulttyq parki boıynsha ekologııalyq týr qurastyrǵannan bastap aınalysyp keledi.
