Pavlodarlyq Nına Belova respýblıkalyq «Týǵan jerim» atty konkýrsta II oryn ıelendi
ASTANA. QazAqparat - «Týǵan jerim» atty respýblıkalyq grafıka boıynsha balalar shyǵarmashylyǵy konkýrsynyń qorytyndysy boıynsha Pavlodar qalasynyń № 1 Balalar kórkemsýret mektebiniń oqýshysy Nına Belova «Túrkistanǵa saıahat» sýreti úshin II orynǵa ıe boldy.
Bul týraly oblystyq bilim berý basqarmasy málim etti, dep habarlaıdy pavlodarnews.kz.
14 jastaǵy Nına óz jumysynda túrli tústi qaryndashtarmen ulttyq stılıstıka men qazaq oıý-órneginiń elementterin iskerlikpen qoldanyp, Qazaqstan tabıǵatynyń ádemiligin kórsetti. Astana qalasyndaǵy Tuńǵysh Prezıdet murajaıynda konkýrs jeńimpazdary men fınalısteri jumystarynyń kórmesi uıymdastyryldy.
«Nına, Nazarbaev ıntellektýaldy mektebiniń 8 synyp oqýshysy, óte shyǵarmashylyq tulǵa, ıntellektýaldy damyǵan, akvareldi keskindeme tehnıkasynda sýret salýdy unatady», - deıdi oqytýshysy Svetlana Reın.
