Pavlodarlyq muǵalim jalǵan dıplommen jumys istegen
PAVLODAR. QazAqparat - Pavlodar oblysynyń Jelezın aýdanyndaǵy aýyl mektepteriniń birinde áıel adam 2018 jyldyń qyrkúıeginen beri jalǵan dıplommen jumys istep kelgen, dep habarlaıdy QazAqparat tilshisi.
«Kúdikti aýyl mektebinde qazaq tili men ádebıetinen sabaq berip júrgen. 2015 jyly 25 jastaǵy kelinshek Shymkentte Olga esimdi áıelmen tanysyp, odan 200 myń teńgege Ońtústik Qazaqstan (qazirgi Túrkistan- avt.) oblysynda joǵary bilim alǵany týraly dıplom satyp alǵan», - deıdi Pavlodar oblystyq polıtsııa departamentiniń ókilderi.
Pavlodar prokýratýrasynyń saýalyna Túrkistan oblysynan ýnıversıtet ondaı dıplom bermegeni jaıly jaýap kelgen.
«Osy derek boıynsha QR Qylmystyq kodeksiniń 385-baby boıynsha sotqa deıingi tergep-tekserý bastaldy, tıisti saraptamalar taǵaıyndalǵan», - deıdi departament ókilderi.
Avtor: Anton Gagarın.
