Pavlodarlyq Mohammed-Alı Amır Jáýtikov olımpıadasynda altyn medal ıelendi
ASTANA. QazAqparat - Almaty qalasynda matematıka, fızıka jáne ınformatıkadan ótken HІІІ Halyqaralyq Jáýtikov olımpıadasynda úsh pavlodarlyq oqýshy júldemen oraldy.
Bul týraly «Ertis daryny» óńirlik qosymsha bilim berý oqý-ádistemelik ortalyǵy málim etti, dep habarlaıdy pavlodarnews.kz.
Pavlodar oblysynyń komandasy jeti oqýshydan quraldy. Halyqaralyq olımpıada qorytyndysy boıynsha «Jas daryn» mamandandyrylǵan mektebiniń 10-synyp oqýshysy Mohammed-Alı Amır matematıkadan altyn medal (muǵalimi Arystan Tekenov) ıegeri atandy. Al, daryndy balalarǵa arnalǵan №8 mektep-lıtseıiniń 11-synyp oqýshysy Baroncha Georgıı fızıkadan (muǵalimi Anatolıı Bılıda) qola medalǵa qol jetkizdi. Er balalarǵa arnalǵan oblystyq qazaq-túrik lıtseı-ınternatynyń 9-synyp oqýshysy Ǵallam Islam da ınformatıkadan (muǵalimi Arnold Mınýlın) qola medal utyp aldy.
