Pavlodarlyq Mınskidegi Mendeleev olımpıadasynda «qola» oljalady
PAVLODAR. QazAqparat - Pavlodarlyq oqýshy Belarýs Respýblıkasynyń Mınsk qalasynda oqýshylar arasynda hımııa páninen ótken 52-shi halyqaralyq Mendeleev olımpıadasynan júldeli oraldy.
«Ertis daryny» óńirlik qosymsha bilim berý oqý-ádistemelik ortalyǵynyń málim etýinshe, olımpıadaǵa álemniń 22 elinen 135 oqýshy qatysqan, dep habarlaıdy pavlodarnews.kz.
«Pavlodar qalasynyń daryndy balalarǵa arnalǵan № 8 lıtseı-mektebiniń 9-synyp oqýshysy Vladıslav Cherdantsev bilim básekesinde úshinshi orynǵa qol jetkizdi», - dedi ortalyqta. - Jarysta jas hımıkter eki teorııalyq, bir eksperımenttik kezeńnen ótti. Vladıslav burynnan respýblıkalyq jáne halyqaralyq olımpıadalarynyń júldegeri».
Aıta keteıik, jas hımık ǵalymdardyń dodasynda Qazaqstan quramasy bir kúmis jáne jeti qola medal oljalady.
