Pavlodarlyq mektep oqýshylarynyń jobasy Reseıde úzdik dep tanyldy
NUR-SULTAN. QazAqparat – Pavlodarlyq oqýshylar «Sport.Shyǵarmashylyq.Intelleket» atty ashyq halyqaralyq tehnologııalyq festıvalge qatysty, dep habarlaıdy QazAqparat QR Reseıdegi elshiliginiń baspasóz qyzmetine silteme jasap.
Atalmysh shara Novosıbırsk Memlekettik ýnıversıtetinde ótti. Shyǵarmashylyq baıqaýǵa Reseı men Qazaqstannyń mektep oqýshylary, stýdentter men balabaqsha búldirshinderinen turatyn barlyǵy 360 komanda qatysty.
Balalar onda «Avtomobıl dońǵalaqtaryn jasaý» baǵyty boıynsha óz eńbekterin usyndy. Onda robottardyń kómegimen eski-qusqy qaldyqtardan metall dıskiler jasaldy jáne oǵan arnaıy rázińke shınalar kıgizildi. Avtomattandyrylǵan robottar óndiristik robottardyń kómegimen iske qosylady. Óz kezeginde sońǵysy qýatty elektr energııasy men kún jáne jelden óndiredi.
Festıvaldiń talaby boıynsha, ár kategorııaǵa bir oryn taǵaıyndalǵan. Pavlodarlyq komandanyń jumysy «Úzdik joba» atalymy boıynsha eń myqty dep tabyldy. Komanda ókilderi Novosıbırsk qalasy merııasynyń dıplomdary men kelesi jyly bolatyn baıqaýǵa shaqyrtý aldy. Al jeńimpazdardyń ustazdaryna alǵys hat tabys etildi.
