Pavlodarlyq mashınıst tuńǵysh parovozdyń kóshirmesin jasap shyqty

PAVLODAR. QazAqparat - Pavlodar lokomotıv paıdalaný deposy mashınısiniń kómekshisi Janat Seıitov «Ovechka» ataýymen belgili «OV» serııaly birinshi parovozdyń kóshirmesin daıyndady, dep habarlaıdy QazAqparat.

«Qazaqstan Temirjoly» kompanııasynyń málimetinshe , model 1:3 masshtabynda jasalǵan. Parovoz fotosýretter men eski shemalardan qalpyna keltirildi. Syzbalar 1976 jylǵy «Tehnıka molodejı» jýrnalynan alyndy. Entýzıast bir jyl boıy aqparat jınap, temirjol tehnıkasyn qalpyna keltirýdiń qyr-syryn biletin reseılik sheberlermen keńesken. Modeldi qurastyrý úsh aıǵa sozyldy. Mashınıst kómekshisi óz týyndysyn jumystan bos ýaqytta jasap shyǵardy.

«Parovoz aımaqqa júz jyl buryn kelgen túpnusqanyń kóshirmesi boldy. Pavlodar stantsııasyna ol birinshi júkti jetkizip, osy ýchaskede temirjol qozǵalysyn ashqan», - dep jazdy aqparat kózi.

Model Áskerı dańq murajaıyna qarama-qarsy depo aýmaǵyndaǵy tuǵyrǵa ornatyldy.

Depoda atap ótkendeı, «ovechka» kóptegen synaqtarǵa: birinshi dúnıejúzilik soǵystyń aýyr jyldaryna, revolıýtsııaǵa, Azamattyq jáne Uly Otan soǵystaryna tap boldy. Depodaǵy parovoz modeli aǵartýshylyq jumysta qoldanylyp, ony oqýshylar men stýdentterge arnalǵan ekskýrsııa barysynda kórsetetin bolady.

Foto: t.me/railways_kz