Pavlodarlyq manıkıýrshi bala kezekti halyqaralyq baıqaýda jeńiske jetti
PAVLODAR. QazAqparat – Pavlodarlyq oqýshy Parıjde manıkıýr jasaýdan ótken halyqaralyq baıqaý jeńimpazy boldy, dep habarlaıdy «QazAqparat» HAA tilshisi.
«14 jastaǵy ekibastuzdyq Arýlat Muhametqalı Parıjde ótken nail-sheberlik boıynsha baıqaýda jeńiske jetti», - dep málim etti Pavlodar oblystyq Bilim basqarmasynan.
Jetkinshek manıkıýr jasaý isimen múmkindigi shekteýli baýyrynyń emine kómektesý úshin aınalysa bastaǵan bolatyn.
«Bul, jas sheber úshin kásipqoılar arasyndaǵy alǵashqy jeńis emes. Onyń Reseı, Portýgalııa, Ýkraına, Gretsııa, Italııa, Polsha, Birikken Arab Ámirlikteri jáne Bolgarııada ótken týrnırlerdegi jeńisi úshin alǵan, barlyǵy 12 dıplomy bar», - dep qosty vedomstvodan.
Bilim basqarmasynyń aqparatyna súıensek, Arýlat manıkıýr jasaýdan bólek, bımen aınalysady jáne inisiniń shashtaraz bolý armanyn júzege asyrý úshin onyń oqý kýrsyn tólep otyr.
«Parıjde ótken neıl-chempıonatta birinshi oryn aldym. Ár jeńis maǵan qýanysh syılaıdy. Maǵan qoldaý bildirip otyrǵan oqyrmandaryma alǵys aıtamyn!», - dep jazdy jetkinshek Instagram-paraqshasynda.
