Pavlodarlyq qylmysker ómiriniń 16 jylyn temir tordyń ar jaǵynda ótkizbek - Aqmola oblysy
KÓKShETAÝ. 12 qarasha. QazAqparat /Janmurat Janaıdarov/ - Aqmola oblystyq qylmystyq ister jónindegi mamandandyrylǵan aýdanaralyq soty úkimimen Berik Ábdirahmanov ómiriniń 16 jylyn temir tordyń ar jaǵynda ótkizetin boldy.
Aǵymdaǵy jyldyń 30-mamyry kúni túnde Pavlodar qalasynyń týmasy Berik Şýche qalasynda birge turyp jatqan azamat jáne azamatshamen birlesip araq ishedi. Іshimdik arty janjalǵa ulasyp, bótelkelesin uryp jyqqan Berikke azamatsha «oǵan tıispe, maǵan ne isteseń de erkińde»,- dep arasha túsedi. Araqtyń býymen áıeldi zorlap, ony da tepkiniń astyna alady. Sóıtip taıaqqa jyǵylǵan áıeldi de o dúnıege attandyryp tynady. Ómirden ozǵan azamattardyń denesine 12 jerden jaraqat salynǵan. Birinshi satydaǵy qylmystyq ister jónindegi aýdanaralyq sot úkimimen asa aýyr qylmys jasaǵan Berik Ábdirahmanov 16 jylǵa bas bostandyǵynan aıyryldy.
