Pavlodarlyq qutqarýshylar jolda qalǵan 13 adamdy evakýatsııalady
PAVLODAR. QazAqparat - 2021 jylǵy 12-13 qańtar aralyǵynda departament bólimsheleri avarııalyq-qutqarý jumystaryna 2 ret shyqty, dep habarlaıdy QazAqparat Ravlodarnews.kz saıtyna silteme jasap.
Oblystyq TJD baspasóz qyzmetiniń málimdeýinshe, qar qursaýynan 13 adam qutqaryldy. Azamattyq qorǵaý organdarynyń qyzmetkerleri barlyǵyn jylytý pýnktterine kóshirdi.
- Máselen, 2021 jylǵy 12 qańtarda 23 saǵat 5 mınýtta Pavlodar oblysy TJ departamentiniń «112» pýltine Ekibastuz qalasyna qarasty Shıqyldaq aýyldyq aımaǵynda, Qaraǵandy oblysy baǵytyndaǵy 9 sorǵy stantsııasynyń aýdanynda 2 avtokóliktiń qar qursaýynda qalyp qoıǵany týraly habarlama kelip tústi. Shiderti kentin kúzetý boıynsha № 14 órt sóndirý beketiniń qyzmetkerleri qar qursaýynan 9 adamdy qutqaryp, 2 avtokólikti shyǵaryp, olardy Shiderti kentiniń «Sarýjan» qonaq úıine ornalastyrǵan, - deıdi departamentte.
Sondaı-aq Ekibastuz qalasy Tórtkudyq aýyldyq aımaǵy Bosshakól stantsııasynyń kópirine jetpeı tehnıka turyp qalǵan. № 14 órt sóndirý beketiniń qutqarýshylarymen qar qursaýynan 4 adam qutqarylyp, Shiderti kentiniń «Sarýjan» qonaq úıine jetkizildi.
2021 jylǵy 13 qańtardaǵy jaǵdaı boıynsha oblystyq jáne respýblıkalyq mańyzy bar joldardyń barlyq ýchaskeleri ashyldy.
