Pavlodarlyq qutqarýshylar ShQO-da sý tasqyny saldarymen kúresýde
ASTANA. QazAqparat - Pavlodarlyq 12 qutqarýshy Shyǵys Qazaqstan oblysynda sý tasqyny saldarymen kúresýde, dep habarlaıdy pavlodarnews.kz.
Kórshi óńirge kómek jiberý týraly tapsyrmany Pavlodar oblysynyń ákimi Bolat Baqaýov bergen. Óńirlik Tótenshe jaǵdaılar departamentiniń bastyǵy Abaı Temirbaev apparat jıynynda málim etkendeı, 23 naýryz kúni bes arnaıy tehnıka, úsh motopompa, jeke quramnan 12 adam ShQO-ǵa attanǵan.
"Qazirgi tańda bizdiń qutqarýshylar qardyń erigen sýyn sorý boıynsha jumys isteýde. Jeke quram azyq-túlikpen, janar-jaǵarmaı materıaldarymen jáne jatyn orynmen qamtamasyz etilgen. Qazaqstannyń birqatar óńirlerinde oryn alǵan sý tasqyny saldarynan eskertý jarııalanǵan", - dedi oblystyń bas qutqarýshysy.
QR ІІM TJ komıteti baspasóz qyzmetiniń habarlaýynsha, 26-27 naýryz kúnderi Soltústik Qazaqstan jáne Pavlodar oblysynyń ózenderinde qolaıly temperatýranyń saqtalýyna baılanysty jaýyn-shashyn túsip, sý tasqyny bolýy múmkin. Pavlodarlyq qutqarýshylar óńirde sý tasqyny boıynsha jaǵdaı turaqty ári baqylaýǵa alynǵanyn aıtty.
