Pavlodarlyq qutqarýshylar panasyz adamdar túneıtin jerlerde reıd júrgize bastady
PAVLODAR. QazAqparat - Pavlodar qalasynyń qutqarýshylary panasyz adamdardyń ólimi men kúıik shalý jaǵdaıynyń aldyn alý úshin jylý ótetin joldar men qudyqtardy tekseredi, dep habarlaıdy QazAqparat tilshisi.
«Turaqty mekenjaıy joq adamdar ýaqytsha panalaıtyn oryndarda úsik shalý, órt shyǵý jaǵdaılary jıiledi. Osyǵan baılanysty qalalyq tótenshe jaǵdaılar basqarmasynyń qyzmetkerleri polıtseılermen birigip, turaqty mekenjaıy joq adamdar túneıtin oryndarǵa reıd júrgizip jatyr», - dep málimdedi tilshilerge búgin Pavlodar oblystyq Tótenshe jaǵdaılar departamentiniń baspasóz qyzmeti.
Qutqarýshylardyń málimetinshe, qazirgi kezde úısiz-kúısiz júrgen adamdar qaraýsyz qalǵan ǵımarattar, qudyqtar men jylý ótetin jerlerde pana izdep júr. Bul jerlerde olar qaza taýyp nemese kúıik shala alatyn jazataıym oqıalar jıi bolyp turady.
