Pavlodarlyq kombınat nan baǵasyn arzandatty
PAVLODAR. QazAqparat – «Pavlodar nan-toqash kombınaty» fırmasy» JShS eki apta buryn kótergen nan baǵasyn 105 teńgeden 95 teńgege deıin túsirdi, dep habarlaıdy QazAqparat tilshisi.
«Formada pisirilgen nan baǵasynyń tómendegeni týraly Pavlodar ákimdigine joldanǵan kombınat dırektory Vıtalıı Sartakovtyń qoly qoıylǵan resmı hatta aıtyldy. Hatta jazylǵandaı, 22 qazannan bastap kásiporynnyń birinshi surypty unǵa degen kúndelikti qajettiligi – 10 tonna tolyǵymen ózin-ózi jaýyp otyr», - dep habarlady Pavlodar oblysy ákiminiń baspasóz qyzmeti jýrnalısterge.
Bul rette, ákimdikten atap ótkendeı, atalmysh kombınat «Agro-Damý» JShS-dan satyp alatyn unnyń quny qymbattamaǵan jáne bir kelisi úshin 95 teńgeni quraıdy.
«Osyǵan baılanysty, sondaı-aq «Agro-Damý» JShS-nyń aǵymdaǵy satý baǵasyn ózgerissiz qaldyrýyn jáne bizdiń kásiporyn úshin táýliktik un satý kólemin esepke ala otyryp, «Pavlodar nan-toqash kombınaty» fırmasy» JShS 26 qazannan bastap formada pisirilgen «Taý-nan» nanyna baǵany 95 teńgege deıin tómendetedi», - delingen kombınat basshysynyń hatynda.
Budan buryn habarlanǵandaı, Pavlodarda nan baǵasy 85-ten 105 teńgege deıin qymbattady. As atasynyń baǵasyn birinshi bolyp Pavlodar nan-toqash kombınaty kóterdi.
21 qazanda Memleket basshysy Qasym-Jomart Toqaev Úkimet pen ákimderge «áleýmettik» nan baǵasynyń qymbattaýyna baılanysty shuǵyl túrde sharalar qoldanýdy tapsyrdy.
Avtory Anton Gagarın
