Pavlodarlyq kólikterdiń jyldamdyǵyn 37 ólsheýish baqylaıdy
ASTANA. QazAqparat - Pavlodarlyq kólikterdiń jyldamdyǵyn táýlik boıy avtomattyq rejımde 37 jyldamdyq ólsheýish baqylaıdy, dep habarlaıdy pavlodarnews.kz.
Oblystyq ІІD-niń baspasóz qyzmetiniń habarlaýynsha, oblys aýmaǵynda «Redspeed» atty jyldamdyqty ólsheıtin jáne baǵdarshamnyń tyıym salynǵan belgisine ótip ketken kólikterdi anyqtaýdyń 27 júıesi, úsh ıntellektýaldy júıe jáne on «Avtoýragan» apparattyq-baǵdarlamalyq kesheni bar.
Barlyq baqylaý júıelerin ornatý núktelerin jergilikti polıtsııa qyzmeti belgileıdi. Olardyń árbireýi 6-11 metr bıiktikke ornalastyrylýy tıis. Kólik jyldamdyǵyn asyrǵanyn túsirip alatyn jyldamdyq ólsheýishteri Kýtýzov kóshesi, 3/2, 46/1, 75, 203, 287, Lımonnaıa, 31, Qamzın, 72, Mır, 17, Sývorov, 15, Torgovaıa, 7, «Mechta» SÚ qarama-qarsy Lomov, 149, «Agrodızel» dúkeniniń qasynda Chkalov kóshesi boıymen, «Toıota ortalyǵyna» qarsy tas jolda, Sátbaev-Dostoevskıı, Lenın-M.Gorkıı 10 kósheleriniń qıylysynda, Kishi aınalmaly jol, 5 mekenjaıyna qarsy ornalasqan. Jyldamdyqtan basqa, toqtaý syzyǵynan asyp túsetin jáne baǵdarshamnyń qyzyl túsine ótip ketken kólikterdi túsirip alatyn qurylǵylar Kýtýzov-Krıvenko, Bekhojın-Maıra, Kýtýzov-Toraıǵyrov, Kýtýzov-Lomov, Kýtýzov-Tolstoı, Kýtýzov jáne Jaıaý Musa, Estaı jáne Bekturov, Bekhojın-Tkachev, Kataev-Shókın kósheleriniń qıylysynda bar. Sonymen qatar, Toraıǵyrov kóshesi, 77 úıine qarsy, Sátbaev, 21/1 «Qazkommertsbank» AQ-na qarama-qarsy, Toraıǵyrov kóshesi, 101 ІІD-ne qarsy, Qamzın, 167 «Sýrgýt» SÚ, Toraıǵyrov kóshesi, 26 úıine qarsy, Estaı kóshesi, 101 jáne 150-shi úıge qarsy osyndaı jyldamdyq ólsheýishter bekitilgen. Budan basqa, Pavlodar - Qashyr, Pavlodar - Lebıaji, Pavlodar - Lenın kenti, Pavlodar - Sharbaqty jáne Pavlodar Ýspen tas jolynda jyldamdyqty asyrsańyz, beıne kameralarǵa túsip qalýyńyz múmkin.
Barlyq aqparat qupııa túrde saqtalyp, adamnyń aralasýynsyz ІІD-niń júıelengen ortalyǵyna jiberiledi. Keıin, ortalyqtyń mamandary QR ІІM-niń málimet bazasy boıynsha aıyppuldy jol erejesin buzǵan kólik ıesiniń úıine «Qazposhta» arqyly jiberedi. Aıta keterligi, Pavlodarda mundaı qurylǵylar 2011 jyldyń jeltoqsan aıynda alǵash ret qoldanysqa engizilgen.
