Pavlodarlyq kásipker áıel jylyna 30 myń tonna saqtaı alatyn elevator salady
ASTANA. QazAqparat - Búgin Lenın kentinde saǵatyna 60 tonna astyq óndirip, jylyna 30 myń tonna astyq saqtaı alatyn zamanaýı elevatordyń irgetasy qalandy.
Alyp qoıma Lıneınaıa, 67/1 mekenjaıynda boı kóteredi, dep habarlaıdy pavlodarnews.kz.
«Bul qoıma tolyq avtomatty júıemen jabdyqtalady. Germanııa, Túrkııa jáne Reseı memleketteriniń quraldary qoldanylmaq. Bizdiń ınvestıtsııa 2,5 mıllıon dollardy qurady. 2017 jyldyń qyrkúıek aıynda elevatordy iske qosamyz degen úmittemiz. Shyǵyndy bes jylda ótep alýdy josparlap otyrmyz. Odan keıin egistik alqaptarymen aınalysý oıda bar. Bul oblysta astyq jyl saıyn mol kólemde shyǵady. Ózim Pavlodardyń týmasy bolǵandyqtan Astanadan kelip osy jerdi tańdadym», - dedi «GROUPKSM» JShS-niń bas dırektory Ámına Qalymova.
Segiz aıda salynyp bitetin nysanda 30 adam jumys isteýde. Onyń 20-sy turaqty qyzmetke qabyldanǵan. Zamanaýı elevator óńirdegi aýyl sharýashylyǵyn damytyp, jergilikti turǵyndardyń ómirin jaqsartý maqsatynda boı kóterýde.
