Pavlodarlyq ІT-maman toǵyzqumalaq oıynynyń mobıldik qosymshasyn jasap shyǵardy
ASTANA. QazAqparat - Pavlodarlyq baǵdarlamashy Ernar Shambaev planshetter men smartfondarǵa arnap, toǵyzqumalaq oıynynyń mobıldik qosymshasyn jasap shyǵardy, dep habarlaıdy «QazAqparat» HAA tilshisi.
Bul týraly QR Mádenıet jáne sport mınıstrliginiń Sport jáne dene shynyqtyrý isteri komıtetiniń baspasóz hatshysy Raýhan Toǵymbaeva málim etti.
«Bul qosymsha arqyly qazaqtyń ulttyq ıntellektýaldyq oıynyn planshetter men smartfondar arqyly oınaýǵa bolady. Siz avtomatty sparrıng-seriktesińizben básekelese alasyz. Qosymshanyń ereksheligi - munda toǵyzqumalaqty endi bastaǵan avtomatty oıynshydan bastap, úzdik sheberge deıin qarsylasty tańdap alýǵa bolady», - deıdi Raýhan Toǵymbaeva.
Atalǵan baǵdarlama kásibı sportshylar men jattyqtyrýshylar úshin de taptyrmas kómekshige aınalady. Mobıldik qosymsha arqyly kez kelgen jerde toǵyzqumalaqty oınaı berýge bolady.
«Men bul jobamen 1999 jyldan beri aınalysyp kelemin. Ol kezdegi kompıýterlerdiń múmkindigi az bolǵandyqtan, jasandy ıntellekt salasynda bilimim shamaly edi. Baǵdarlama tek úshinshi satyda jumys istep turǵan. 2010 jyly Serik Aqtaev jáne Dıana Kenına degen toǵyzqumalaq oıynshylarymen kezdesip, olar maǵan baǵdarlama jasaý týraly keńes berdi. Arada biraz jyldar ótkennen keıin, bıyl baǵdarlamany jan-jaqty damytyp, mobıldik qosymsha etip shyǵardym», - deıdi Ernar Shambaev.
Toǵyzqumalaq oıynyn planshetter men smartfondarda myna arqyly júktep alýǵa bolady.
