Pavlodarlyq fotosheber Óskemende óz shyǵarmashylyǵyn kórsetti
ÓSKEMEN. QazAqparat - Belgili qazaqstandyq fotosheber pavlodarlyq Aleksandr Parhomenko alǵash ret Óskemende QR Táýelsizdigine arnalǵan «El jáne jer» atty derbes kórmesin usyndy.
Bul týraly «QazAqparat» HAA tilshisi habarlady.
KSRO, QR jáne shetelde kóptegen baıqaýlar men kórmeler laýreatynyń ekspozıtsııasy «Ulttyq dástúr», «Baıanaýyl», «Soǵys jańǵyryǵy» Pavlodar kelbeti, eńbek adamy taqyryptaryn biriktiretin 40-qa jýyq foto jumystardy qamtıdy.
Jeńis kúnine arnalǵan túrli tústi sýret, ardagerler fotosy erkshe áserli, avtor eńbekteriniń árqyrlylyǵyn birden baıqaýǵa bolady. Tunyp turǵan poezııa dersiń, óndiris taqyrybyndaǵy kezdeısoq túsirilgen áserli stop-kadrlar da jeterlik. Pavlodar - qýatty ónerkásiptik ólke ǵoı», - dep atap ótti kórmeniń ashylýynda qoryq murajaı dırektorynyń orynbasary Tamara Bykova.
Sońǵy eki jylda eńbekteri Odaq elderinde ǵana emes, Ispanııa, Frantsııa, Argentına jáne basqa da elderde kórsetilgen A.Parhomenko, murajaı-qoryqpen tyǵyz yntymaqtastyqta.
Ol kóptegen álemdik foto salasymen tanys, bul onyń sátti jumysyna septigin tıgizýde.
Qazaqstandyq foto sheberdiń ekspozıtsııasy jeltoqsan boıy jumys isteıdi.
