Pavlodarlyq er adam eki balasymen birge Ertiste sýǵa batyp kete jazdady

PAVLODAR. QazAqparat – 35 jastaǵy Pavlodar turǵyny balalaryn qutqarý keýdeshelerinsiz rezeńke qaıyqpen qydyrtyp júrgen, dep habarlaıdy QazAqparat Pavlodarnews.kz-ke silteme jasap.

Kenet qaıyq metall temirge soǵylyp, bata bastaǵan.

Oqys jaǵdaı týraly habarlama «112» pýltine 4 qyrkúıek kúni saǵat 20:20-da kelip túsken.

«Akýlenok aılaǵy aýdanynda kámeletke tolmaǵan eki balasy bar er adam qutqarý keýdeshelerinsiz rezeńke qaıyqpen metall temirge soǵylǵan. Qaıyq bata bastaǵan. Oqıǵa ornyna 2 qaıyq pen jeke quramnyń 2 adamy jiberildi», - dedi Pavlodardyń TJ jónindegi azamattyq qorǵanys basqarmasy tobynyń ofıtseri, leıtenant Temirbaı.

Qutqarýshylar 1986 jyly týǵan er adamdy, 2012 jyly týǵan qyz balany jáne 2011 jyly týǵan ul balany qutqardy. Olardy profılaktıkalyq áńgime júrgizý úshin Nıkıtın kóshesi 106 mekenjaıynda ornalasqan qutqarý bólimshesine jetkizdi.

TJD qala turǵyndary men qonaqtaryn óz ómirine qaýip tóndirmes úshin sýdaǵy qaýipsizdik sharalaryn saqtaýdy suraıdy.