Pavlodarlyq epıdemıolog: Koronavırýs juqtyrǵandar kimmen aralasqanyn aıtqysy kelmeıdi
PAVLODAR. QazAqparat - Epıdemıologııalyq monıtorıng tobynyń jetekshisi Sáýle Ospanova KVI juqtyrǵan oshaq anyqtalǵan kezde baılanysta bolǵan adamdardy anyqtaýda kedergi keltirmeýdi suraıdy, dep habarlaıdy pavlodarnews.kz.
Epıdemııaǵa qarsy sharalardyń standarty bar, - dedi Sáýle Ospanova onlaın baspasóz konferentsııasy kezinde. - Jańa jaǵdaı týraly habar alǵannan keıin aqparat jınaý bastalady. Birinshi kezeńde baılanysta bolǵan adamdar sheńberin anyqtaý úshin eki saǵat beriledi. ıAǵnı, naýqas qaı jerde ornalasqany, qalaı ómir súredi, jaqyn jáne potentsıaldy baılanysta bolǵandar týraly derekter jınaımyz. Barlyq 11 jaǵdaıda ony eki saǵattyń ishinde jınap úlgerdik.
Degenmen ol turǵyndardyń áli kúnge deıin bul derttiń qanshalyqty qaýipti ekenin túsinbeıtindigine jáne salǵyrttyq tanytyp otyrǵanyna alańdaýshylyq bildirdi.
- Turǵyndar karantındi saqtaǵysy kelmeıtin sııaqty birden jaqyn aralasqan adamdar týraly aıtpaıdy, - deıdi Sáýle Ospanova. - Mysaly, naýqastardyń biri baılanysta bolǵan adamdar týraly aqparatty bir apta boıy berdi. Bul jerde birinshi kezekte onyń otbasy zardap shegedi. Sebebi, sol adamdarmen aralasady. Keshe Mır kóshesindegi jataqhanada ishimdik tutynǵan adamdar boldy. Medıtsınalyq qyzmetkerlerdiń jumysyna kedergi keltirdi. Dárigerlerge polıtsııa qyzmetkerleri kómekke keldi. Osydan keıin ǵana barlyǵy aýrýhanaǵa jatqyzylyp, vırýsologııalyq zertteý júrgizildi. Nátıjesi bir táýlikten keıin belgili bolady. Baılanysta bolǵandar anyqtaldy.
