Pavlodarlyq dızaınerdiń ulttyq kıim úlgileri Nıý-Iorkte kórsetiledi
ASTANA. QazAqparat - Pavlodarda ótken «Uly dala eli» festıvalinde bes ǵasyr buryn qazaqtardyń qalaı kıingendigi kórsetildi. Barlyq kostıýmderdi tanymal dızaıner JADO daıyndaǵan, dep habarlaıdy «KazAqparat» HAA pavlodarnews.kz. saıtyna silteme jasap. Ertis boıy turǵyndary toptamany birinshi bolyp tamashalady. Festıval aıaqtalysymen Jadyra Sahıeva Nıý-Iorktegi sán keshine attanbaq.
«Óz toptamamdy «Uly dala eli» festıvalinde usynyp otyrǵanyma rızamyn. Aldymen ony pavlodarlyqtar kóretin bolady, keıin ol Amerıkaǵa attanady. Soǵan deıin aqsaqaldarymyzdyń batasyn alǵymyz keldi. Menińshe, etnofestıval - soǵan naǵyz laıyqty oryn»,- dedi dızaıner.
JADO óziniń tarıhı kostıýmderi qazirgi boıjetkenderdi qyzyqtyratynyna senimdi. «Biz basty nazarǵa túster men matalar alynǵan tarıhı kostıýmderdi alyp keldik. Árıne, biz kúmis pen ishikti esten shyǵarmadyq. Qazaqtar árqashan olardy unatatyn,- dep atap ótti dızaıner. - Biz kóp kostıýmder alyp keldik: defılege 50 «jebe» jáne murajaıǵa 25 kostıým. Osy jumysymyzben qazirgi zamanǵy jastar da ata-babalarymyz kıgen kıimderdi kıe alatyndaryn kórsetpek boldyq. Bul ádemi ári qyzyqty».
