Pavlodarlyq dárigerler kúıik shalǵan er adamǵa jasandy teri jamap berdi

PAVLODAR. QazAqparat - Pavlodarlyq dárigerler órtten zardap shekken er adamǵa jasandy terini transplantattaý boıynsha biregeı operatsııa jasady, dep habarlaıdy QazAqparat.

Páterdegi órtten arqasy men aıaǵy kúıgen Pavlodar turǵyny aýrýhanada esin jıdy.

«Páterde symdar janǵan kezde men uıyqtap jattym, tútinniń ısinen esimnen tanyp, tura almadym. Órt sóndirýshiler ýaqytynda kelgendikten meni órtten aman alyp aldy. Ekinshi ret meniń ómirimdi kúıgen terige transplantattaý jasaǵan dárigerler aman saqtap qaldy»,-dep eske alady 50 jastaǵy patsıent óziniń qutqarý tarıhyn.

Er adam eki aı boıy hırýrgııasyz emdeldi, al taıaý arada Astana Bıotehnologııa ǴZI-dan jetkizilgen jasandy terini transplantattaý boıynsha operatsııa jasaldy.

«Biz jaqsy nátıjege úmittenemiz, óıtkeni patsıentte terini alýǵa bolatyn donorlyq ýchaskeler jetispedi, óıtkeni aıaǵynyń joǵarǵy úshten bir bóligi ampýtatsııalanǵan. 10 jyldan astam ýaqyt buryn ol aıazda aıaǵyn úsitip alǵan. Onyń jaǵdaıynda bul tańdaý operatsııasy boldy», - dep túsindirdi №1 Pavlodar qalalyq aýrýhanasynyń kambýstıologııalyq bóliminiń meńgerýshisi Marat Qanjyǵalın.

Pavlodarda taıaýda ǵana terini transplantattaý iske asyryldy. Bir jarym jyldyń ishinde 6 operatsııa jasaldy, olar qymbat joǵary tehnologııalyq medıtsınalyq qyzmetter sanatyna jatady.