Pavlodarlyq dáriger eldegi densaýlyq saqtaý salasynyń «Úzdik menedjeri» atandy
ASTANA. QazAqparat - Pavlodar oblystyq jedel medıtsınalyq kómek stantsııasynyń bas dárigeri Qanadan Ahmetjanovqa Qazaqstandaǵy densaýlyq saqtaýdyń «Úzdik menedjeri» ataǵy berildi, dep habarlaıdy pavlodarnews.kz.
Ol Astanaǵa arnaıy shaqyrtý alyp, QR Densaýlyq saqtaý mınıstriniń gramotasymen jáne 2017 jylǵy «Úzdik menedjer» stellasymen marapattaldy. Qanadan Ahmetjanov bul salada uzaq jyldar boıy eńbek etýde. Onyń iskerliginiń nátıjesinde Pavlodardyń jedel járdem stantsııalarynyń jumysy jandanyp, jańa qurylǵylarmen jabdyqtalýda.
Atap aıtar bolsaq, qazirgi ýaqytta Pavlodar oblysynyń jedel medıtsınalyq kómek stantsııasyn júıelendirý boıynsha pılottyq joba iske asyrylýda. Biryńǵaı dıspetcherlik qyzmeti engizilip, navıgatsııaly júıe, telebaılanys, telefon ornatý, ǵalamtormen qamtamasyz etý jumystary júrgizildi. Aqsý jáne Ekibastuz qalalarynyń jedel járdem brıgadalarynda dıstantsıondy EKG engizilgen. Sondaı-aq, barlyq jedel járdem brıgadalary medıtsınalyq quraldarmen, noýtbýktarmen, kompıýterlemen jabdyqtalǵan. Budan bólek, kólikterge gaz qurylǵysyn ornatý arqyly janarmaıdy 20 paıyzǵa deıin únemdeýge múmkindik týdy.
