Pavlodarlyq balalar jelkendi kemeni basqarýdy Reseıge baryp úırenbek
PAVLODAR. QazAqparat - Pavlodar oblysynyń mektep oqýshylary tanymal saıahatshylarmen birge jelkendi kemeni basqarýdy úırený úshin Reseıdiń Omby oblysyndaǵy Cherlak aýylynda ornalasqan sporttyq lagerge barady, dep habarlaıdy QazAqparat tilshisi.
«2018 jyldyń 16-22 maýsymy aralyǵynda ótetin Cherlaktaǵy sport lageriniń barsha kelisimderi kúshinde. Jalpy jaǵdaıdy baqylaı otyryp sharany maýsymǵa aýystyrdyq (byltyr qaıyqtyń túbindegi dińgegi jıi tirelip qalatyn)», - dedi Omby ıaht-klýbynyń dırektory, tanymal saıahatshy Sergeı Şerbakov.
S.Şerbakovtyń atalmysh jazbasha málimdemesi arqyly «Pavlodar geografııalyq úıi» qoǵamdyq birlestiginiń «Jurbaı» jas ólketanýshylar klýby tárbıelenýshileriniń 2018 jyldyń jazynda Reseıdiń Omby oblysy, Cherlak aýylynda jelkendi sporttan oqytý boıynsha jasalǵan burynǵy kelisimderdiń kúshinde ekenin rastady.
Mundaı yntymaqtastyqty júzege asyrýǵa Pavlodar geografııalyq úıi men Orys geografııalyq qoǵamynyń 2016 jylǵy alǵashqy jobasynan keıin, atap aıtqanda, Pavlodar oblysyna PavGeo shaqyrýymen halyqaralyq Omby-ıAmyshevo-Oby bes krýızdik keme halyqaralyq ekspedıtsııasynyń kelýinen keıin múmkindik týdy.
Cherlakta pavlodarlyq balalar keme basqarý men teńizshiler túıinin toqýdy úırený, jelkenmen jumys isteýdi ǵana emes, sonymen qatar naǵyz saıahatshylarmen tanysýǵa múmkindik alady. Mysaly, Sergeı Şerbakov - «teńiz qasqyry», «Sibir» kemesiniń kapıtany, jer sharyn tórt ret aınalyp shyqqan.
