Pavlodarlyq balalar qýyrshaq jasap úırendi
PAVLODAR. QazAqparat - Pavlodar qalasyndaǵy №2 Balalar kórkemsýret mektebiniń ustazdary men sýretshiler tamyz aıynda barlyq tilek bildirýshi balalar men eresekterge sheberlik sabaqtaryn uıymdastyrdy, dep habarlaıdy QazAqparat pavlodarnews.kz-ke silteme jasap.
Bul týraly qalalyq bilim bólimi málim etti.
"Pavlodarda sýret, sándik-qoldanbaly óner pánderiniń oqytýshysy Ekaterına Odarchýk «Amos» fırmasynyń túrli-tústi massasynan jasalǵan ulttyq naqyshtaǵy qýyrshaq jasaý boıynsha sheberlik sabaǵyn ótkizdi, - dedi bilim bóliminde. - Balalar qýyrshaqty daıyndaýǵa erekshe súısinip kiristi. Qýyrshaqtyń negizgi denesi qarapaıym plastık bótelkesi boldy. Ary qaraı japsyrma tehnıkasyna «ıilimdi saýsaqtar» bilimderi men sheberlikteri keregin tapty. Ekaterına Odarchýk árbir oqýshyǵa túsinikti etip, japsyrmanyń eń ońaı tehnıkalyq tásilderin kórsetti.
Al, Dına Sámenova túrli-tústi qaǵazdar boıynsha sheberlik sabaǵyn uıymdastyrdy. Ustaz kórermenderdi túrli-tústi qaǵazdardan sımmetrııalyq ulttyq oıý-órnekterdi ázirleý tásilderimen tanystyrdy. Odan keıin qatysýshylarmen birge naqty mysal keltire otyryp, qyzyqty áshekeıli kompozıtsııa qurdy. Ata-analar da ózderiniń kishkentaı tárbıelenýshilerine belsendi kómektesti.
