Pavlodarlyq áıelge balalaryn kóliktiń tóbesine otyrǵyzǵany úshin aıyppul salyndy
PAVLODAR. QazAqparat – Pavlodarda 33 jastaǵy kelinshekke balalaryn kýzovynyń ústine otyrǵyzǵany úshin aıyppul salyndy, dep habarlaıdy QazAqparat tilshisi.
«Pavlodarlyq polıtseıler Nissan avtomashınasyn júrgizgen 33 jastaǵy áıeldi toqtatty. Ol balalaryn kabınanyń syrtyna otyrǵyzyp alyp júrgeni úshin QR Ákimshilik quqyq buzýshylyq týraly kodeksiniń 593-babyna sáıkes jaýapqa tartyldy», - dep málimdedi Pavlodar oblystyq polıtsııa departamentiniń baspasóz qyzmeti.
Polıtsııanyń dereginshe, áıelge 5 AEK mólsherinde aıyppul salynǵan.
«Balalar basqa qaladan qonaqqa kele jatqan», - deıdi polıtseıler.
Avtor: Anton Gagarın
