Pavlodarlyq áıel áleýmettik jelide tyıym salynǵan dinı materıaldar taratqan
NUR-SULTAN. QazAqparat – Ekstremızmge qarsy is-qımyl tobynyń qyzmetkerleri ınternet-keńistikke monıtorıng júrgizý kezinde paıdalanýshylardyń biriniń paraqshasynan dinı mazmundaǵy materıaldar bar 39 aýdıojazba anyqtaldy, dep habarlaıdy Pavlodarnews.kz.
Oblystyq polıtsııa departamenti baspasóz qyzmetiniń málimetinshe, tekserý is-sharalary barysynda 35 jastaǵy qala turǵyny tyıym salynǵan kontentti ashyq qoljetimdilikke ornalastyrǵan.
«Atalǵan fakti boıynsha dintaný saraptamasy júrgizildi. Onyń qorytyndysy boıynsha Pavlodar qalasynyń mamandandyrylǵan ákimshilik sotymen QR ÁQBtK-niń 453-baby 2-bóligi boıynsha 20 AEK kóleminde ákimshilik aıyppul salyndy», - dedi departamentte.
Aıta keterligi, jyl basynan beri jedel ýákilder osy tektes buzýshylyqtyń 11-den astam faktisin anyqtady.
Polıtsııa turǵyndardan zańsyz dinı qyzmet boıynsha qandaı da bir aqparat bolsa, 102, 8 (7182) 37-80-11 jáne 39-19-04 telefondary arqyly habarlaýdy suraıdy.
