Pavlodarlyq áıel 13 jyldan beri balasyna alıment tólemegen
PAVLODAR. QazAqparat - Pavlodar qalasynyń polıtsııasy balasyna alıment qaryz áıeldi anyqtady. Anasynyń bala aldyndaǵy boryshy 13 jyl boıy ótelmegen, dep habarlaıdy QazAqparat.
«13 jyldan beri kámeletke tolmaǵan balasyn asyraýǵa qarajat tóleý jónindegi sot sheshimin oryndamady degen kúdikpen Pavlodar qalasynyń turǵyny anyqtaldy. Qazirgi ýaqytta atalǵan fakti boıynsha sotqa deıingi tergeý júrip jatyr», – deıdi Pavlodar oblystyq polıtsııa departamenti bastyǵynyń birinshi orynbasary Jasqaırat Qaıyrov.
Onyń aıtýynsha, 2021 jyldyń basynan beri óńirde osyndaı bes fakti tirkelgen.
«Bizdiń elimizde alıment tólemeý máselesi uzaq ýaqyttan beri tek otbasy ishinde ǵana emes, sonymen qatar memlekettik problemaǵa aınaldy. Sot sheshimine qaramastan, kóptegen jaýapsyz azamattardyń alıment qaryzy jyl saıyn ósip keledi, al keıbireýlerinde aıtarlyqtaı somaǵa qol jetkizildi», - dep túsindirdi J.Qaıyrov.
