Pavlodarlyq arýlardy 8 naýryzda Qaırat Nurtas quttyqtaıdy
ASTANA. QazAqparat - Pavlodarlyq arýlardy 8 naýryz - Halyqaralyq áıelder kúnimen belgili ánshi Qaırat Nurtas quttyqtaıdy, dep habarlaıdy pavlodarnews.kz.
Bul týraly búgin óńirlik kommýnıkatsııalar qyzmetinde ótken brıfıng barysynda Pavlodar qalasynyń mádenıet jáne tilderdi damytý bóliminiń basshysy Samal Begalınova málim etti.
« 2 naýryzdan bastap dóńgelek ústelder men túrli mýzykalyq, tanymdyq keshter uıymdastyrylady. Onyń ishinde negizgi sharalar 7-8 naýryzǵa josparlanǵan. 7 naýryz kúni saǵat 15.00-de turǵyndar nazaryna Q. Ábýseıitov atyndaǵy mádenı-saýyq ortalyǵynda "Vesna na zarechnoı ýlıtse" fılmi kórsetilse, 8 naýryz kúni saǵat 12.00-de Estaı atyndaǵy mádenıet saraıynda merekelik kontsert usynylady. Sonymen qatar, saǵat 19.00-de Estaı atyndaǵy mádenıet saraıynda Qazaqstannyń estrada juldyzy Qaırat Nurtastyń kontserti ótedi, - deıdi Samal Begalınova. Aıta keteıik, kópshilikke keń tanylǵan Qaırat Nurtas eń alǵash Baıqońyr sahnasynda on jasynda óner kórsetken. Ánshiniń repertýarynan Shámshi Qaldaıaqov, Áset Beıseýov, Erjan Serikbaev sııaqty kompozıtorlardyń ánderin kórýge bolady.
Ol 2014 jyly IIІ Eýrazııalyq mýzyka júldesiniń «Úzdik oryndaýshy» atalymyn qanjyǵasyna baılaǵan.
