Pavlodarlyq ánshi Erbolat Aralbaev «Slavıan bazary - 2017» án baıqaýyna qatyspaq
ASTANA. QazAqparat - Pavlodarlyq jas talantty ánshi Erbolat Aralbaev halyqaralyq «Slavıan bazary - 2017» án baıqaýynyń irikteý týrynda baǵyn synamaq.
Baıqaýdyń sharty boıynsha 24 jastaǵy úmitker tórt ándi oryndaǵan sátin vıdeoǵa túsirip, qosymsha qajetti qujattarmen birge uıymdastyrýshylardyń elektrondy poshtasyna jiberedi, dep habarlaıdy pavlodarnews.kz .
"Men halyq áni «Dýdaraıdy» jáne Músilim Magomaevtyń «Sınıaıa vechnost» ánderin tańdap aldym. Qalǵan eki án ázirge belgisiz. Bir ándi orkestrmen oryndaý kerek. Daıyndyq jumystaryna endi kiriseıin dep jatyrmyn, sebebi konkýrstyń erejelerin keshe ǵana aldym. Shart boıynsha vıdeolardy 1 sáýirge deıin jiberý kerek. Al, «Slavıan bazary - 2017» Belorýssııanyń Vıtebsk qalasynda 11-19 shilde aralyǵynda ótedi", - dedi Erbolat Aralbaev.
Erbolat bul kúnderi Isa Baızaqov atyndaǵy oblystyq fılarmonııada qyzmet etedi. Jas ánshi halyqaralyq «Tulǵa - 2014» jáne «Ertis juldyzy» konkýrstarynyń bas júldegeri. Jetinshi halyqaralyq «Atameken - 2014» jáne Shámshi Qaldaıaqov atyndaǵy «Meniń Qazaqstanym - 2016» baıqaýlarynyń dıplomanty.
Aıta ketken jón, 2015 jyly «Slavıan bazaryna» Dımash Qudaıbergen qatysyp, bas júldesin utyp alǵan. Ol, «Slavıan bazarynda» top jarǵan tuńǵysh qazaqstandyq ánshi atandy. Al 2016 jyly bul konkýrsta taǵy bir qazaqstandyq ánshi Adam óner kórsetip, birinshi oryn ıelendi.
