Pavlodarlyq 110 jastaǵy keıýanaǵa jańa jeke kýálik tabystaldy
PAVLODAR. QazAqparat - Qujattary boıynsha Kúljamılıa Ahmedıanova 1912 jyly 1 qańtarda Ertis aýdany Golýbovka aýylynda dúnıege kelgen. Bul týraly «Azamattarǵa arnalǵan úkimet» MK oblystyq fılıalynan málim etti, dep habarlaıdy QazAqparat Ravlodarnews.kz saıtyna silteme jasap.
Búgin Azamattarǵa arnalǵan úkimet qyzmetkerleri ájeıdi quttyqtap, jańa jeke kýáligin tabys etti.
- UOS ardagerleri, múmkindigi shekteýli tulǵalar (1,2,3-top múgedekteri), múgedektigi bar balalar HQO-ǵa barmaı-aq, memlekettik qyzmetterdi úıde ala alatynyn eske salamyz. Halyqqa qyzmet kórsetý ortalyǵynyń qyzmetkerin shaqyrý úshin azamattar 1414-ke ótinish qaldyrýy qajet, sodan keıin olarǵa 7 jumys kúni ishinde HQO mamandary úılerine baryp qyzmet kórsetetin bolady, - deıdi «Azamattarǵa arnalǵan úkimet» memlekettik korporatsııasy POF baspasóz hatshysy Meıramgúl Ábdirahmanova.
Ótken jyly memlekettik korporatsııanyń fılıaly Ertis óńiriniń turǵyndaryna 2 777 ret úılerine baryp 3035 qyzmet kórsetken.
