Pavlodarlyq 100-den astam kásiporyn Astanadaǵy jármeńkege óz ónimderin aparady
PAVLODAR. QazAqparat - Astanada Pavlodar oblysynyń aýyl sharýashylyǵy ónimderiniń jármeńkesi ótedi. Bul týraly oblystyq ishki saıasat basqarmasy málim etti, dep habarlaıdy pavlodarnews.kz.
«Astana qalasynda aýyl sharýashylyǵy ónimderiniń jármeńkelerin ótkizýdiń bekitilgen kestesine sáıkes 2018 jylǵy 8-9 qyrkúıek kúnderi elordadaǵy «Qazaqstan» SK alańynda Pavlodar oblysynyń jármeńkesi ótkiziledi», - dedi basqarmada.
Jármeńkege Pavlodar oblysynyń barlyq óńirleriniń 100-den astam qaıta óńdeýshi kásiporyndary men aýylsharýashylyq qurylymdary 110 mıllıon teńge somasyna 465 tonna kóleminde ónim ákeledi. Atap aıtqanda, 36 tonnadan astam et jáne et ónimderi, 220 tonna kartop, 80 tonna kókónis jáne 130 tonnadan astam aýyl sharýashylyǵy ónimderi.
Ótken jyldardyń tájirıbesi boıynsha pavlodarlyqtardyń ónimi astanalyqtarda úlken suranysqa ıe. Bul joly respýblıka boıynsha jáne shet elderde brendi tanymal «Rýbıkom» JShS, «KEMMI» JShS, «Aqjar - Óndiris» JShS, «REGTaım» ShQ, «Krendel» JShS, «Zernograd» JShS, «Galıtskoe» JShS, «Sharbaqty Qus» JShS, «Pobeda» JShS, «Aqtoǵaı Agro» JShS sııaqty pavlodarlyq kásiporyndar ózderiniń ónimderin usynady.
