Pavlodarlyqtardyń múlik jáne jer salyǵy boıynsha bereshegi 3 mlrd teńgeden asqan
PAVLODAR. KAZINFORM – Pavlodar oblysynyń turǵyndary jeke múlik jáne paıdalanyp otyrǵan jer telimderi úshin salyq organdaryna jalpy somasy 3 mlrd teńgeden astam qarjy qaryz.
Mamandar salyqtyq bereshekter 1 qazanǵa deıin ótelýi kerek ekenin eskertti. Salyqtyq bereshek týraly habarlamalar azamattardyń uıaly telefondaryna túse bastaǵan.
«Bıyl múliktik salyqtardy tóleý jeńildeı tústi. Úı men jer telimi úshin tólenetin salyqtar biriktirildi. Bul ózgeris kóptegen múlik ıeleri úshin tólem jasaý kezinde tıimdi bolyp otyr. Salyq tólemi týraly habarlama múliktiń birneshe ıesine kelip túsýi múmkin. Buǵan alańdaýdyń qajeti joq. Sebebi múlikke sol ýaqytta kim ıelik etse, tólemdi de sol júrgizýge mindetti», dep málimdedi Pavlodar oblysy memlekettik kirister departamentinen.
Eske sala keteıik, Ekibastuz 2-MAES-inen bıýdjetke 640 mln teńgeden astam salyq óndirildi.
