Pavlodarlyqtardyń 223 mln teńgeden astam qarjysyn aldap alǵan kúdikti Reseıde ustaldy

ASTANA. KAZINFORM – Asa iri alaıaqtyq jasady degen kúdikti qylmystyq jaýaptylyqqa tartý maqsatynda Reseıden Qazaqstanǵa ekstradıtsııalandy.

Kúdikti Pavlodarda 2019-2023 jyldar aralyǵynda tanystarynan bıznesti damytý úshin aqsha alyp, kepildik retinde ózine tıesili emes páterdi usynǵan.

«Onyń qylmystyq áreketteri saldarynan Pavlodar qalasynyń 66 turǵynyna jalpy somasy 223 mln teńgeden asa shyǵyn keltirildi.

Qylmys jasaǵannan keıin kúdikti jasyrynyp, soǵan baılanysty ol halyqaralyq izdeýge jarııalanǵan.

Ótken jyldyń jeltoqsan aıynda ol Reseı Federatsııasy Adygeıa Respýblıkasynyń aýmaǵynda ustaldy, sodan keıin Qazaqstan Respýblıkasy Bas prokýratýrasynyń ótinishi boıynsha Qazaqstanǵa ekstradıtsııalandy», — dep jazdy Bas prokýratýradan.

Qazirgi ýaqytta kúdikti ýaqytsha ustaý ızolıatoryna qamaldy.

Aıyptalǵan qylmysty jasaǵany úshin múlki tárkilenip, bes jyldan on jylǵa deıingi merzimge bas bostandyǵynan aıyrý jazasy qarastyrylǵan.