Pavlodarlyqtar kólik salyǵy boıynsha 1 mlrd teńgege jýyq qaryz
PAVLODAR. KAZINFORM - Pavlodar oblysynda 147 myń kólik ıesi tirkelgen. Olardyń menshiginde 222 myńnan astam avtokólik bar.
Óńirdegi kólik ıeleriniń 11%-ynda kólik salyǵy boıynsha qaryz jınalyp qalǵan. Jalpy somasy 942 mln teńgedeı tóleýi kerek.
- 2025 jylǵa arnalǵan kólik salyǵyn tóleý merzimi bıylǵy 1 sáýirde aıaqtaldy. 2 sáýirden bastap boryshkerlerge tıisti habarlamalar jiberilip jatyr, al merzimdi ótkizip alǵan árbir kún úshin ósimpul esepteledi. Habarlama boıynsha tólem jasaýǵa 30 jumys kúni beriledi.
Eger qaryz ótelmese, bes kúndik merzimmen salyqtyq buıryq shyǵarylady. Osydan keıin qujattar qarajatty májbúrli túrde óndirip alatyn jeke sot oryndaýshylaryna jiberiledi, - deıdi óńirlik memlekettik kirister departamenti óndiristik emes tólemder basqarmasynyń basshysy Arman Ýálıev.
Salyq qyzmeti qazirgi ýaqytta polıtsııamen birlesip joldarda únemi reıdter júrgizip jatyr.
Eger júrgizýshiniń qaryzy jınalyp qalsa, polıtseılerdiń onyń kóligin aıyp turaǵyna jiberýge tolyq quqyǵy bar. Ótken jyly reıdter barysynda 3,2 myń adam 169 mıllıon teńge tólese, 6 avtokólik evakýatsııalanǵan. Jyl basynan beri taǵy ondaǵan kólik tekserilip, boryshkerler 65,9 mıllıon teńge qaıtarǵan.
Eske sala keteıik, bıýdjetke 730 mlrd teńge salyq tolyq túspegen.
