Pavlodarlyqtar avtokólik salyǵy boıynsha 650 mln teńge qaryz
PAVLODAR. KAZINFORM - Óńirde qazirgi kúni 190 myńǵa jýyq kólik tirkelgen. 9 myń kólik ıesi salyq bereshekterin tólemeı otyr.
Bul týraly oblystyq memlekettik kirister departamenti habarlady.
«9 myń avtokólik ıesiniń salyq boıynsha 650 mln teńgege jýyq qaryzy bar. 1 sáýirde 2023 jylǵa salyq tóleýdiń jańa merzimi bastalady. Salyqty ýaqtyly tólemegen adamdarǵa 2 sáýirden bastap salyq bereshegi týraly habarlamalar jiberiletin bolady, sondaı-aq merzimi ótken árbir kún úshin ósimpul esepteledi. Kólik quraldaryna salynatyn salyqtyń eseptelgen somalary boıynsha Puch-habarlamalar Kaspi jáne Halyk bankteriniń mobıldi qosymshalaryn paıdalanýshylarǵa jiberildi, olar ony birden tóleı alady», - dep málimdedi departamentten.
Kólik quraldaryn tirkeý salasyndaǵy ýákiletti organnyń derekteri boıynsha óńirde 130 myńnan astam avtokólik ıesi bar, olardyń menshiginde 190 myńǵa jýyq kólik tirkelgen.
