Pavlodarlyq jolaýshylardyń qoǵamdyq kólikke shaǵymy kóp

PAVLODAR. KAZINFORM — Ótken jyly óńirdegi jolaýshylar arasynda qoǵamdyq kólik qyzmetine qatysty áleýmettik saýalnama júrgizilgen.

автобус
Фото: Артем Викторов

Jaýap berýshilerdiń 62%-y qala ishinde júretin qoǵamdyq kólikterdiń jumysy nashar uıymdastyrylatynyna shaǵymdanǵan.

QR Saýda jáne ıntegratsııa mınıstrligi tutynýshylar arasynda saýalnama júrgizip, pavlodarlyqtardyń basym bóligi qoǵamdyq kóliktiń sapasyn nashar baǵalaıtynyn anyqtaǵan. Qatysqan 500 adamnyń 62%-y avtobýstar men tramvaılardyń qyzmetine kóńili tolmaıtynyn jetkizgen.

— Pavlodarlyq turǵyndar túrli saladaǵy qyzmet kórsetýdiń deńgeıin baǵalady. Jaýap berýshilerdiń basym bóligi jolaýshylar tasymalyn áli de júıeli etip, qyzmet kórsetý deńgeıin kóterý kerek dep esepteıdi. Jurtshylyq avtobýstardyń kóp jaǵdaıda lyq toly bolatynyna, júrgizýshilerdiń, kondýktorlar men baqylaýshylardyń dóreki qylyq tanytatynyna shaǵymdandy, — deıdi Pavlodar oblysy boıynsha Saýda jáne tutynýshylardyń quqyqtaryn qorǵaý departamenti basshysynyń orynbasary Nursulý Áýbákirova.

Buǵan deıin Pavlodarǵa «Sergek» kameralary qoıylýy múmkin ekenin jazǵanbyz.

Сейчас читают