Pavlodarlyq jigit qutqaryp qalǵan aqqýlaryn zoobaqqa tapsyrýǵa májbúr boldy

PAVLODAR. KAZINFORM — Qazirgi ýaqytta qustar Pavlodar qalasynyń janyndaǵy jeke menshik pıtomnıkke jetkizilgen. Odan ári olardy Qaraǵandydaǵy zoobaqqa jóneltedi dep kútip otyr.

Qos aqqýdy aıazdy kúni Baıanaýyldaǵy Sulýsor kólindegi muz ústinen taýyp alǵan Baýyrjan Jaqypov tabıǵat qorǵaýshylardyń qarsylyǵyna tap bolyp, qustardy ýaqytsha ustaý ornyna tapsyrýǵa májbúr boldy.

— Aqqýlarymdy «Máńgilik» jáne «Mahabbat» dep atadym. Jýyqta oblys ortalyǵyna aparyp, veterınarlyq klınıkaǵa qaratyp alǵan edim. Ekeýiniń de jaǵdaıy jaqsy dedi. Ókinishke qaraı, olardy bizdiń qystaqta ustaý múmkin emes, buǵan zań ruqsat bermeıdi eken. Pavlodar qalasynyń irgesindegi janýarlar men qustardy ýaqytsha ustaý ornyna aparyp tapsyrdym. Ár salanyń mamandary óz isimen aınalysqany jón dep oılaımyn. Qos aqqýdy qansha qımaı tursam da, men olardy aman alyp qalǵanymdy zor abyroı dep bilemin. ıAǵnı azamat retinde óz mindetimdi oryndadym dep oılaımyn, — deıdi Baýyrjan.

Pavlodar orman jáne janýarlar dúnıesin qorǵaý mekemesiniń málimetinshe, qustar aldaǵy ýaqytta Qaraǵandy qalasyndaǵy zoologııalyq baqqa jiberilýi múmkin.

Buǵan deıin Pavlodarda aýyl turǵyny aıazda qalyp qoıǵan qos aqqýdy qutqaryp qalǵany týraly jazǵanbyz.