Pavlodarlyq tutynýshylar QR-kodty skanerleý arqyly ettiń sapasyn bile alady

PAVLODAR. KAZINFORM - «Vetlab» veterınarlyq júıesi maldyń erkek nemese urǵashy, ıesi kim bolǵandyǵyn, tipti qaı óńirde jaıylyp, qaı ýaqytta soıylǵany týraly aqparat bere alady. Bul azyq-túlik tizbegindegi ashyqtyqty qamtamasyz etpek.

«Vetlab» tsıfrly veterınarlyq-sanıtarlyq saraptama júıesiniń pılottyq jobasy Palvodar óńirinde sátti túrde júzege asýda. Qańtar aıynan bastap «Jailau» fermerlik naryǵynan et satyp alýshylar sóredegi ónimniń sapasyn óz betterimen anyqtaýǵa múmkindik aldy.

Kez kelgen tutynýshy etke soǵylǵan QR-kod-ty telefon kamerasy arqyly skanerlep, barlyq aqparatty birden biledi. Veterınarlyq-sanıtarlyq júıe et urǵashy nemese erkek maldiki ekenin, qaı kúni soıylyp, qaı óńirden jetkizilgenin, ıesi kim bolǵanyn tolyqtaı dybystap aıtyp beredi. Burynǵydaı satýshydan bárin táptishtep surap jatpaısyz.

Ázirshe mundaı tsıfrlyq júıe «JAILAU» fermerlik naryǵynda ǵana istep tur. Aldaǵy ýaqytta pılottyq joba ózge de saýda núktelerinde engiziledi dep kútilip otyr.

Mamandar ár soıylǵan malǵa biregeı QR-kod beriletinin aıtady. Ony ózge soıylǵan mal etine japsyrý múmkin emes. Osylaısha tsıfrly júıe azyq-túlik tizbeginde ashyqtyq qalyptastyryp, agroónerkásip taýaryn óndirýshilerdiń jaýapkershiligin kúsheıte túspek.